ეროვნული ვალუტა სექტემბრის დადგომისთანავე გაუფასურებას გზას დაადგა და უკვე 3.10-იან ნიშნულს მიუახლოვდა. მიუხედავად იმისა, რომ მთავრობა ლარის სტაბილურობის პირობას იძლევა, უკვე ჩანს, რომ რეალური ვითარება სხვაგვარია. არჩევნების წინ გაცვლითმა კურსმა რყევა დაიწყო. ფინანსისტები უფრო მძიმე პროგნოზს აკეთებენ და ამბობენ, რომ ნოებერში შესაძლოა, ეროვნული ვალუტა 3.20-3.25-ის ფარგლებში აღმოჩნდეს.