ღამის საათებში გართულებული მოძრაობა დედაქალაქში - პრობლემა, რომელიც მოსახლეობის დიდ ნაწილს აწუხებს. როგორც "მთელ კვირასთან" საუბრისას დედაქალაქის მცხოვრებლები აღნიშნავენ, საღამოს 11 საათის შემდეგ ფაქტობრივად გადაადგილების პრობლემა იქმნება ქალაქში, რადგან სამარშრუტო მიკროავტობუსები, რომლითაც მოსახლეობის უმეტესი ნაწილი სარგებლობს, ამ დროს უკვე აღარ მოძრაობს და ძირითადად ტაქსებით უწევთ გადაადგილება.