რუსეთის ფედერაციის პრეზიდენტი ვლადიმირ პუტინი თითქმის ერთი კვირაა ჟურნალისტების წინაშე არ გამოჩენილა. სოციალურ ქსელებში ამ ფაქტმა დიდი რეზონანსი გამოიწვია. რუსულენოვან, და არა მარტო, ბლოგებსა თუ ფორუმებზე გავრცელდა სხვადასხვა ვერსიები იმის შესახებ, თუ რას შეიძლება უკავშირდებოდეს პუტინის ასეთი მოულოდნელი გაუჩინარება. ვარაუდებს შორის ყველაზე პოპულარული რუსეთის ლიდერის გარდაცვალება ან მძიმე ავადმყოფობაა.