ხაშურის მუნიციპალიტეტის სოფელ ოსიაურში მდებარე საგვარეულო ვეზირიშვილების სასახლე, რომელიც 2 საუკუნეს ითვლის, განადგურების პირასაა. სასახლეს კულტურული მემკვიდრეობის სტატუსი გასულ კვირას მიენიჭა, თუმცა, კულტურის სამინისტროში ამბობენ, რომ ძეგლის სტატუსის მინიჭება არ ნიშნავს იმას, რომ სამინისტრო მის რეაბილიტაციაზე ზრუნვას შეძლებს. მინისტრის მოადგილის თქმით, სამინისტროს საამისოდ შესაბამისი ფინანსური რესურსი არ გააჩნია, ამიტომ შენობის გამაგრებაზე ადგილობროვმა თვითმმართველობამ უნდა იზრუნოს.