ბიძინა ივანიშვილი არასამთავრობო ორგანიზაციებს აქტიურად აკრიტიკებს და მათ ობიექტურობას უწუნებს. ყოფილი პრემიერ-მინისტრის აზრით, ისინი ტენდენციურები და "ნაციონალური მოძრაობის" ინტერესების გამტარებლები არიან. იგი რამდენიმე მათგანზე დოკუმენტური ფილმის გადაღებასაც აპირებს, რომლის შესახებაც ცოტა ხნის წინ თავად დააანონსა. "საერთაშორისო გამჭვირვალობა-საქართველოს" აღმასრულებელი დირექტორი ეკა გიგაური კი მისი მისამართით გამოთქმულ ბრალდებებს კომიკურს უწოდებს.