ახალციხის ქუჩის #8-ში მცხოვრები რაულ გაზდელიანი თბილისის მერიის არქიტექტურულ სამსახურში დასაქმებულ მეზობელ ეკატერინე ცეცხლაძეს სამსახურებრივი მოვალეობის ბოროტად გამოყენებაში ადანაშაულებს. მისი თქმით, ცეცხლაძე მას ნორმალურ საყოფაცხოვრებო პირობებში ცხოვრების საშუალებას არ აძლევს. კერძოდ სახლში შესასვლელი რამდენიმე საფეხურიანი კიბის მოსაშლელად მერიაში უჩივლა, რის გამოც 8 ათასი ლარით დააჯარიმეს და შემდეგ წყლის მილიც გადაუჭრა.