9 მაისს, ნაცისტურ გერმანიაზე გამარჯვების 70 წლისთავთან დაკავშირებით, საქართველოში მთელი რიგი ღონისძიებებია დაგეგმილი. ვეტერანები ტრადიციულად ვაკის პარკში უცნობი ჯარისკაცის საფლავთან შეიკრიბებიან, სადაც მათთვის დილის 10 საათზე კონცერტი გაიმართება. ვეტერანებს სიტყვით პრემიერ-მინისტრი იღაკლი ღარიბაშვილიც მიმართავს და თითოეულ მათგანს ერთჯერადად 1000-ლარიან დახმარებას გადასცემს. საქართველოს დღემდე მეორე მსოფლიო ომის 1719 ვეტერანი შემორჩა.