"ამ შემთხვევაში მნიშვნელოვანია არა ის, თუ რამდენად წარმოადგენს ჯერ კიდევ რუსეთის იმპერიაში მე-19 საუკუნეში დაარსებული და შემდეგ მეორე მსოფლიო ომის დროს აღდგენილი "გიორგიევსკის ბაფთები" კომუნისტურ სიმბოლიკას, არამედ მთავარია ის, თუ როგორ აღიქვამს მას ჩვენი საზოგადოება. ფაქტია, რომ საზოგადოება ამ ბაფთებს აღიქვამს როგორც რუსული იმპერიული პოლიტიკის ატრიბუტიკას და სიმბოლიკას. ამიტომ, როდესაც ქვეყანაში ჩამოდის სტუმარი, მან დაწერილი კანონების გარდა, დაუწერელი კანონებიც უნდა შეასრულოს... რუსი ბაიკერების საქციელს არანაირი გამართლება არ აქვს", - აცხადებს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე.