გუშინ დილით გორის რაიონის სოფელ აძვიდან რუსი ოკუპანტების მიერ გატაცებული ორი მოზარდი დღის მეორე ნახევარში გაათავისუფლეს. მთელი დღის ინტენსიური მოლაპარაკებების შედეგად შსს-ს ანალიტიკურმა დეპარტამენტმა და შიდა ქართლის სამხარეო პოლიციამ დაკავებული მოზარდების გათავისუფლება შეძლეს. ორივე არასრულწლოვანი ერგნეთის საგუშაგოს ტერიტორიაზე სამართალდამცავებს ოსურმა მხარემ გადასცა.