დაავადებათა კონტროლის ცენტრის სამეცნიერო საბჭოს ხელმძღვანელი პაატა იმნაძე იმ დაავადებების რისკზე საუბრობს, რომელიც ზაფხულის სეზონს ახლავს თან. მისი თქმით, სიცხესთან ერთად ხშირია პარაზიტებითა და მწერების კბენით გამოწვეული დაავადების საშიშრობა, ამიტომ იმნაძე მოსახლეობას სიფრთხილისა და დროული რეაგირებისკენ მოუწოდებს. როგორც მან "რეზონანსს" უთხრა, ამ ეტაპზე ყველაზე მეტად ყირიმ-კონგოს ცხელების საშიშროებაა მოსალოდნელი, რომელიც უშუალოდ ტკიპებთან კონტაქტითა და კბენით ჩნდება.