დედაქალაქში ნარმანიას სახელობის ორმოების რაოდენობა საკმაოდ დიდია. დადიანისა და თევდორე მღვდლის ქუჩა, ვახუშტის და ბარათაშვილის ხიდი, სარაჯიშვილის, დადიანის, ქუთაისის, ხუდადოვის ქუჩა, ვაგზლის მიმდებარე ტერიტორია, ბაგები, გოძიაშვილის ქუჩა - დაზიანებული ქუჩების ჩამონათვალი საკმაოდ დიდია. ორმოები ყველაზე მეტად დისკომფორტს მძღოლებს უქმნის. ისინი "რეზონანსთან" იმ ზარალზე ალაპარაკდნენ, რაც გაფუჭებული გზისგან მიადგათ.