რიგის სამიტი ისე დასრულდა და ქართული დელეგაცია შინ ისე დაბრუნდა, რომ ლატვიიდან კონკრეტული არაფერი წამოუღია დაპირებების გარდა - არ დაითქვა კონკრეტული თარიღი, როდის შევძლებთ ევროპაში უვიზოდ გამგზავრებას და არც ჩვენი ევროინტეგრაციის პერსპექტივა ჩაიწერა მთავარ დოკუმენტში. დაიდო მხოლოდ ის პირობა, რომ დეკემბერში მოხდება ჩვენი და უკრაინის მიღწევების კიდევ ერთხელ შეფასება და დადებითი დასკვნის შემდეგ ვიზების გამარტივებაზე პოლიტიკური გადაწყვეტილებაც საბოლოოდ გაცხადდება. ახლა უკვე მთელი იმედი დეკემბერზეა. ევროპულ პერსპექტივაზე კი საერთოდ არაფერი თქმულა.