ორგანიზაცია "ტფილისის ჰამქარი" აბანოთუბანში მდებარე მირზა შაფის ქუჩის განვითარების პროექტს აპროტესტებს. მათი განცხადებით, აღნიშნული პროექტი ისტორიულ ზონაში განაშენიანებასა და ურბანულ იერსახეს დაარღვევს, რაც ორგანიზაციას დაუშვებლად მიაჩნია. როგორც "რეზონანსს" ორგანიზაციის გამგეობის თავმჯდომარემ, ხელოვნებათმცოდნე თამარ ამაშუკელმა განუცხადა, აღნიშნულ ტერიტორიაზე ინვესტორი 14 - სართულიანი შენობის აშენებას გეგმავს, რაც ძეგლთა დაცვის პრინციპებთან აბსოლუტურ წინააღმდეგობაში მოდის.