რაც დრო გადის, ინტერნეტსივრცეში სულ უფრო მეტი დამადასტურებელი ფაქტი ჩნდება იმისა, რომ ქართულ-აფხაზურ კონფლიქტში რუსული მხარე აქტიურ მონაწილეობას იღებდა. სეპარატისტების მხარეს იბრძოდნენ რუსეთის არმიის ოფიცრები. სოციალურ ქსელებში ისინი ახლა აქვეყნებენ საკუთარ მოგონებებსა და ფოტომასალას, რომელიც პოსტსაბჭოთა სივრცის სხვადასხვა ცხელ წერტილებში მათ "მივლინებას" ასახავს. "რეზონანსმა" მოახერხა და ერთ-ერთ მათგანს, ყოფილ მფრინავს, თადარიგის ოფიცერს, მიხაილ კოტკინს გაესაუბრა. ის 1993 წელს აფხაზეთში, ბომბორას სამხედრო აეროდრომზე მსახურობდა.