სადავო, დასახვეწი, მაგრამ საჭირო - ასე აფასებენ იურისტები ნაფიც მსაჯულთა სისტემას და მიიჩნევენ, რომ კონკრეტული ვერდიქტის გამოტანის ან ვერგამოტანის გამო გული მთლიანად სისტემაზე არ უნდა აგვიცრუვდეს. მათი თქმით, ნაფიცი მსაჯულების არსებობა თუნდაც იმიტომაა გამართლებული, რომ ამ დროს როგორც ბრალდების, ისე დაცვის მხარე იძულებულია, უფრო კვალიფიციურად იმუშოს - მეტი მტკიცებულება მოაგროვოს, მეტად დამაჯერებელი იყოს და ა.შ.