ივანე ჯავახიშვილის სახელობის თბილისის სახელმწიფო უნივერსიტეტის ზუსტი და საბუნებისმეტყველო ფაკულტეტის დეკანატმა დამატებით სემესტრებზე გადასახდელი თანხა, ჯამში, 600 ლარიდან 3150 ლარამდე გაზარდა. დოქტორანტების ნაწილი აცხადებს, რომ ფასის მატება ძირითად სემესტრსაც შეეხება. ფასთა შორის ამხელა სხვაობას ვერ ან არ ამჩნევს ადმინისტრაცია და აცხადებს, რომ სემესტრში 1125 ლარის დაწესება გაძვირება არ არის.