გუშინ თბილისში 73 წლის ასაკში გარდაიცვალა ცნობილი პოლიტოლოგი, საქართველოს სტრატეგიის და საერთაშორისო ურთიერთობის კვლევის ფონდის პრეზიდენტი ალექსანდრე რონდელი. იგი წლების მანძილზე მოღვაწეობდა ივანე ჯავახიშვილის სახელობის თბილისის სახელმწიფო უნივერსიტეტში; 1991-1996 წლებში იყო საერთაშორისო ურთიერთობათა კათედრის გამგე; 1997-2001 წლებში საქართველოს საგარეო სამინისტროსთან არსებული საგარეო პოლიტიკისა და ანალიზის ცენტრის დირექტორი; მიწვეული პროფესორი აშშ-ს ცნობილ უნივერსიტეტებში, კერძოდ, ემორის უნივერსიტეტში, მაუნთ ჰოლიოკ კოლეჯში და ვუდრო უილსონის სახელობის საზოგადოებრივ და საერთაშორისო საქმეთა სკოლაში.