მაშინ, როდესაც დედაქალაქში სტიქიის შედეგად დაღუპულებს გლოვობენ და რამდენიმე ადამიანს კიდევ ეძებენ, ბათუმის ხელისუფლებამ "ტაშფანდურისთვის მოიცალა" და ბოლო ერთ კვირაში ორი საზეიმო ღონისძიება გამართა. უფრო მეტიც "ახალგაზრდობის ფესტივალზე" რუსეთის დროშაც კი აფრიალდა, თუმცა ვინ იყო ამ ორივე ღონისძიების ორგანიზატორი, უცნობია. მერია და ბათუმის მაჟორიტარი დეპუტატი მურმან დუმბაძე ამასთან რაიმე კავშირს უარყოფენ. ქალაქის მერი გია ერმაკოვი ამბობს, რომ აღნიშნული ღონისძიებები მერიის მიერ არ იყო ორგანიზებული და არც ნებართვა ჰქონდათ გაცემული.