მმართველი გუნდი პრეზიდენტთან დაპირისპირებას აღარ მალავს და დიპლომატიური ენით გამოთქმული შენიშვნებიდან მწვავე კრიტიკაზე გადადის. უმრავლესობაში აღარც იმას უარყოფენ, რომ მათი და გიორგი მარგველაშვილის ხედვა, მოსაზრებები თუ ქმედებები ერთმანეთისგან მკვეთრად განსხვავდება და პრეზიდენტს "არაადეკვატურსა" და "ნაციონალურსაც" კი უწოდებენ. მათი ნაწილის აზრით, პრეზიდენტის ქმედება ვიწრო პოლიტიკური ჯგუფების ინტერესებს უფრო ასახავს, ვიდრე ქვეყნისას.