ერთიანი ეროვნული გამოცდები დასრულდა და აბიტურიენტები ჩარიცხვის პასუხის მოლოდინში არიან. განათლების ექსპერტები ტესტებში ხარვეზების არსებობაზე საუბრობენ, რომელიც, მათი თქმით, ყოველ წელს მეორდება. როგორც განათლების ექსპერტმა ზურაბ ვახანიამ "რეზონანსთან" საუბრისას განაცხადა, ტესტებში ხარვეზებით ზოგადი უნარები და სავალდებულო ქართული ენა გამოირჩევა. მისი თქმით, შეცდომებმა სისტემატური ხასიათი მიიღო, რაც აბიტურიენტების შეფასებაზეც უარყოფითად მოქმედებს.