ლარის გაუფასურება 16 წლის წინანდელ რეკორდს უახლოვდება. მთავრობაში კი ამბობენ, რომ განსაკუთრებული არაფერი ხდება. ხელისუფლება საზოგადოებას ასევე არწმუნებს, რომ აჟიოტაჟს არ აჰყვეს, ვინაიდან კურსი დასტაბილურდება. თუმცა საზოგადოებამ დღემდე ვერ მოისმინა ვალუტის მკვეთრი გაუფასურების რეალური მიზეზები. ასევე არავის უნახავს ეროვნული ბანკისა და მთავრობის მიერ გაწერილი ანტიკრიზისული გეგმა, ან ლარის გაუფასურების წინააღმდეგ მიმართული ღონისძიებები, რაც საზოგადოებას დამშვიდების საფუძველს მისცემდა.