"ნაციონალური მოძრაობის" მოღვაწეობის 9-წლიან პერიოდზე მრავალსერიანი მხატვრული ფილმის გადაღებას რეჟისორი გოგა ხაინდრავა ოქტომბრიდან დაიწყებს. მისი თქმით, მსახიობების ნაწილი შერჩეულია, ნაწილის შერჩევა კი ახლა მიმდინარეობს. ის ჯერჯერობით არ საუბრობს, ვინ იქნება საქართველოს ყოფილი პრეზიდენტის, მიხეილ სააკაშვილის როლის შემსრულებელი და, საერთოდ, სერიალის ტელეეკრანზე გამოსვლამდე დეტალების გახმაურებისგან თავს იკავებს.