ორი დღის წინ, სასწავლო წლის დაწყების პირველ დღეს, შინაგან საქმეთა მინისტრმა, მისმა მოადგილეებმა და სამინისტროს დეპარტამენტების ხელმძღვანელებმა სამსახურებრივი მოვალეობის დროს დაღუპული პოლიციელების მცირეწლოვანი შვილები სკოლებში მიაცილეს. ბავშვებს საათებიც დაურიგეს წარწერით - "მამაჩემი გმირია". ამ ნაბიჯმა სოციალურ ქსელებში დიდი მოწონება დაიმსახურა. ადამიანები მთელი დღის განმავლობაში იზიარებდნენ ამ ყველაფრის ამსახველ ფოტოებს.