ერთდღიანი თავისუფლების შემდეგ თბილისის ყოფილი მერი გიგი უგულავა ისევ მატროსოვის ციხეში დააბრუნეს. რიყის ტერიტორიისა და "თბილსერვისის" საქმეზე თბილისის საქალაქო სასამართლომ უგულავას მიმართ ნაწილობრივ გამამტყუნებელი განაჩენი გამოიტანა და საბოლოოდ სასჯელის სახედ და ზომად 4 წელი და 6 თვე შეეფარდა. ბრალდებულის ადვოკატი საქმის გასაჩივრებას სააპელაციოში აპირებს, ყველა ინსტანციის მოვლის შემდეგ კი ადვოკატი ბექა ბასილაია არ გამორიცხავს, რომ სარჩელი სტრასბურგის სასამართლოში გააგზავნოს.