დედაქალაქის მერიამ, გაუარესებული სოციალური ვითარების ფონზე, 20-ლარიანი კომუნალური ვაუჩერის გაუქმება ვერ გაბედა. შესაბამისად, დენის, წყლისა და დასუფთავების გადასახადის სუბსიდირება წელსაც გაგრძელდება. ფაქტობრივად, დავით ნარმანიას უწყებამ უკან დაიხია. რამდენიმე თვის წინათ თბილისის მერიაში მტკიცედ ჰქონდათ გადაწყვეტილი, რომ ვაუჩერი მხოლოდ სოცდაუცველებისთვის დაეტოვებინათ.