თუკი საქართველო უვიზო რეჟიმს მიიღებს, ამით ოკუპირებულ ტერიტორიებზე მცხოვრები მოქალაქეებიც ისარგებლებენ, თუკი მათ საქართველოს პასპორტი ექნებათ. საგარეო საქმეთა სამინისტროში იმედოვნებენ, რომ ინიციატივა კონფლიქტის დარეგულირებას შეუწყობს ხელს, თუმცა სპეციალისტები ამას სკეპტიკურად უყურებენ და ამბობენ, რომ აფხაზეთსა და ოსეთში მცხოვრები მოსახლეობა სხვა შეღავათებით დიდი ხანია, სარგებლობს, თუმცა საქართველოზე აზრს არ იცვლის.