რუსეთი 2006-2007 წლებში ქვეყნიდან ქართველების მასობრივად გაძევებისთვის 70 მილიონი ევროს კომპენსაციის გადახდას არ აპირებს. ადამიანის უფლებათა ევროპულ სასამართლოში რუსეთის წარმომადგენლის გიორგი მატიუშკინის განცხადებით, აღნიშნული თანხის ოდენობის კომპენსაცია "ქართული მხარის სურვილია". თანაც, მისი მტკიცებით, რუსეთმა ამ დრომდე ვერ მიიღო მასალები 2006-2007 წლებში მომხდარი მოვლენების შედეგად დაზარალებულ პირთა შესახებ.