კომერციული ბანკების მიერ მომხმარებელთა უფლებების დარღვევაზე ეროვნული ბანკიც ალაპარაკდა. ბანკები კლიენტს არ აცნობენ ისეთ მნიშვნელოვან ინფორმაციას, როგორიცაა კრედიტის ეფექტური საპროცენტო განაკვეთი, სავალუტო რისკი და ფინანსური ხარჯი. სპეციალისტები სებ-ს მოუწოდებენ, ბანკებს მის მიერ განსაზღვრული მოთხოვნების შესრულება მოსთხოვოს და მომხმარებლის უფლებების დაცვა თავადაც უზრუნველყოს.