სამგორის რაიონში, ნავთლუღის ბაზრის მიმდებარე ტერიტორიაზე, ავტოსაგზაო შემთხვევის შედეგად მამაკაცი გარდაიცვალა. შემთხვევა 29 ოქტომბერს, დაახლოებით 19 საათზე მოხდა, როდესაც მამაკაცი გზაზე გადასვლას ცდილობდა. როგორც თვითმხილველები ამბობენ, მამაკაცმა ერთ მანქანას წინ გადაურბინა, რა დროსაც მეორე ავტომობილი დაეჯახა. დაჯახება იმდენად ძლიერი იყო, რომ მამაკაცი ადგილზე რამდენიმე წუთში, სასწრაფო დახმრების მოსვლამდე გარდაიცვალა.