"ეს არის კონფრონტაციაზე გამოწვევა. სამწუხაროდ, უკვე ნათლად ჩანს, ვის უნდა კონფრონტაცია და ვის მშვიდობა", - ასე უპასუხა ტელეკომპანია "რუსთავი 2"-ის დანიშნულმა დროებითმა მმართველმა, დავით დვალმა "რუსთავი 2"-ის გენდირექტორის მოადგილე ზაალ უდუმაშვილს, რომელმაც უფლებამოსილების შესრულებაზე და არხის დროებით მართვაზე უარი განაცხადა. მისი თქმით, კომპანიის დისტანციურად მართვას არ აპირებენ. საკონსტიტუციო სასამართლოს განჩინებას დაელოდებიან და გადაწყვეტილებას შემდეგ მიიღებენ.