ადვოკატთა ასოციაციის თავმჯდომარე ზაზა ხატიაშვილი აცხადებს, რომ ირაკლი შოთაძის მთავარ პროკურორად დანიშვნა ბიძინა ივანიშვილის პირადი სურვილი იყო, რომლის სისრულეში მოყვანაც მან მიზნად დიდი ხნის წინ დაისახა. ამ ფაქტის დასამტკიცებლად ხატიშვილი წელიწად-ნახევრის წინანდელ განცხადებას იხსენებს, რომელიც თავდაცვის ყოფილმა მინისტრმა ირაკლი ალასანიამ გაავრცელა. ხატიაშვილი მიიჩნევს, რომ შოთაძის შერჩევის პროცესში უშუალო მონაწილეობა ხელისუფლებამ მიიღო და შესაბამისად, ფიქრობს, რომ იგი დამოუკიდებელი პროკურორი ვერ იქნება.