თბილისში საქართველოს უროლოგთა ასოციაციის ყოველწლიური კონგრესი გაიხსნა, რომელსაც წელს რამდენიმე ქვეყნის უცხოელი მეცნიერი და საზღვარგარეთ მოღვაწე წარმატებული ქართველი უროლოგები სტუმრობენ. ორდღიანი ღონისძიება მიზნად უროლოგიურ-ონკოლოგიურ დაავადებათა მიმართულებით არსებული აქტუალური თემების განხილვას, აზრთა გაცვლასა და უცხოელი ექიმების გამოცდილების გაზიარებას ისახავს. ყოველწლიური კონგრესი ოფიციალურად 16 დეკემბერს დაიხურება.