თბილისის გარეუბნებში მცხოვრები მოსახლეობა უამრავ პრობლემას უჩივის, მაგრამ განსაკუთრებით ყურადღებას ამახვილებენ გადაადგილების სირთულეზე. ბოლო დროს გარეუბნებიდან ქალაქის ცენტრში მგზავრობა ძალიან გაძნელდა. საქალაქო ტრანსპორტს დიდი დრო სჭირდება დანიშნულების ადგილამდე მისასვლელად. შესაბამისად, ხალხი სამსახურში, სასწავლებლებსა და სხვადასხვა დანიშნულების პუნქტამდე დროულად მისვლას ვერ ახერხებს.