კოსმეტიკური კომპანიების ნაწილი გაყიდვის წასახალისებლად აგრესიულ მარკეტინგულ კამპანიას მიმართავს. ბოლო რამდენიმე წელია ისინი ძვირადღირებულ კოსმეტიკურ მომსახურებას მომხმარებელს ტელეფონის საშუალებით ჯერ "უფასოდ" სთავაზობენ, შემდეგ კი კომპანიაში მისულს 2000-4000 ლარიანი კოსმეტიკური საშუალებების ყიდვას "აიძულებენ". რაც არანაკლებ საგანგაშოა, სპეცილურად შემუშავებული სქემის განხორციელებაში მონაწილეობენ ბანკებიც, რომლებიც კომპანიის წარმომადგენელთა მიერ "შეკერილ" მოქალაქეებს უპრობლემოდ უმტკიცებენ განვადებას.