უვიზო მიმოსვლის ამოქმედებას ევროპის ქვეყნებში გადაადგილების მოყვარული ქართველების გააქტიურება მოჰყვება. "რეზონანსის" მიერ ჩატარებულმა მცირე გამოკითხვამ აჩვენა, რომ ამ შანსის გამოყენებას ყველა სხვადასხვაგვარად გეგმავს. მოგზაურობა, სწავლა, ნათესავების მონახულება - ეს სამი ძირითადი მიზეზია, რომელთა მოშველიებასაც რესპონდენტების უმეტესობა უვიზო მიმოსვლის შემოღების შემდგომ აპირებს.