სატრანსპორტო საშუალებებთან დაკავშირებით ახალი შეზღუდვების შემოღება მძღოლების უკმაყოფილებას გამოიწვევს. როგორც ჩანს, სწორედ ეს გაითვალისწინეს მთავრობაშიც და მთელი რიგი ვალდებულებების დასაწესებლად ვადა 2017 წლამდე გადასწიეს. ამ პერიოდში არჩევნები ჩავლილი იქნება და მძღოლების პროტესტი მმართველ პარტიას საფრთხეს ვერ შეუქმნის. სპეციალისტები მაინც ფრთხილობენ. ისინი მთავრობას ურჩევენ, ავტომფლობელებს ყველა ვალდებულება ერთბაშად თავს არ მოახვიონ.