საქართველოში ბავშვთა სიღარიბე ისევ ერთ-ერთ მთავარ პრობლემად რჩება. გაეროს ბავშვთა ფონდის მონაცემებით, 2013 წელს იმ ბაშვების რაოდენობა, რომლებიც დღეში 5 ლარზე ნაკლებს მოიხმარენ, დაახლოებით 225 ათასს შეადგენდა. ახალ მონაცემებში, რომელსაც ორგანიზაცია დაახლოებით ერთ თვეში გამოაქვეყნებს, შესაძლოა, ეს ციფრი შემცირებულიც იყოს. "რეზონანსის" გათვლებით, ასეთი ბავშვების რიცხვი 214 ათასის ფარგლებში იქნება.