"ვარგისია მართვის მოწმობის მისაღებად" - ასეთი ცნობის აღება შეუძლია ყველას, ჯანმრთელს, ფსიქიკურად გაუწონასწორებელს, ნარკოტიკზე დამოკიდებულს და სუსტი მხედველობის პატრონსაც კი. "რეზონანსის" მიერ ჩატარებულმა გამოკითხვამ აჩვენა, რომ კლინიკები დარღვევით მუშაობენ და მართვის მოწმობისთვის, ე.წ. "ფსიქოს" ყოველგვარი შემოწმების გარეშე გასცემენ. გამოდის, რომ არ ვიცით, ვის ეკუთვნის თვალის ასახვევად გაცემული ფარატინა ქაღალდი და ვინ მართავს მანქანას. ეს არის მთავარი მიზეზი, რის გამოც გამოკითხულთა უმეტესობა ამტკიცებს, რომ ავტომობილები "მოსიარულე ნაღმებს" წარმოადგენს.