ასპინძის ვალერიან მაღრაძის სახელობის სამუსიკო სკოლაში გაიმართა კომპოზიტორ კახა ცაბაძის შემოქმედებითი საღამო. რეგიონების კულტურული განვითარებისათვის უაღრესად მნიშვნელოვანია ცოცხალი კონტაქტები მოქმედ კომპოზიტორებთან. ამ თვალსაზრისით ეს შეხვედრა ორმხრივად ნაყოფიერი გახლდათ. ის დადებითი ემოციები, რითაც გაჯერებული იყო მთელი შემოქმედებითი საღამო, უაღრესად სასიამოვნო ატმოსფეროს ქმნიდა დარბაზში.