ერთიანი ეროვნული გამოცდები 1 ივლისს დაიწყო. ქართული ენისა და ლიტერატურის გამოცდა 2 დღე მიმდინარეობდა და სულ 4 სესია მოიცვა. როგორც აბიტურიენტები "მთელ კვირასთან" საუბრისას აცხადებენ, კომპიუტერების გვერდით მაგიდაზე დადებამ მათ გარკვეული უხერხულობა შეუქმნა. ასევე, აბიტურიენტების ნაწილისთვის გამოცდაზე დამაბრკოლებელი ფაქტორი საგამოცდო ცენტრის მიერ დამზადებული სპეციალური კალმები იყო. მათ უმრავლესობას გამოცდის განმავლობაში რამდენიმე კალმის გამოცვლა უწევდა, რადგან ზოგი არ წერდა, ზოგს კი ზედმეტად ბევრი მელანი გამოსდიოდა.