"თუ განსაკუთრებულად ხმამაღალ განაცხადში არ ჩამეთვლება, გეტყვით, რომ ვინაიდან გრაკლიანი გორაზე აღმოჩენილი ტაძრის გათხრა ჯერ კიდევ არაა დასრულებული, ძეგლზე უფრო მეტი სიახლეების გამოვლენის მოლოდინი არსებობს, რადგან ამის ალბათობა საკმაოდ მაღალია," - ამბობს "მთელ კვირასთან" საუბრისას გრაკლიანი გორის არქეოლოგიური ექსპედიციის ხელმძღვანელი, პროფესორი ვახტანგ ლიჩელი და ძეგლზე აღმოჩენილი უძველესი დამწერლობის ნიმუშზე გვიამბობს, რომელმაც საერთაშორისო საზოგადოების დიდი დაინტერესება გამოიწვია.