მიუხედავად ზაფხულის ცხელი დღეებისა, ოლიმპიურ თამაშებს, რომელიც ბრაზილიაში ტარდება, საქართველოში უამრავი მაყურებელი ჰყავს. ხალხი ცდილობს ტელევიზიის მეშვეობით უგულშემატკივრონ ქართველ სპორტსმენებს. საქართველოს ოლიმპიური ნაკრები რიო დე ჟანეიროში სპორტის 12 სახეობაში 40 სპორტსმენითაა წარდგენილი, რაც რეკორდული მაჩვენებელია. ჯერჯერობით ჩვენი მონაგარი 1 ვერცხლის და 1 ბრინჯაოს მედალია.