შესაძლოა, ერთიანი ეროვნული გამოცდების ბარიერი გაიზარდოს - ამის შესახებ საქართველოს განათლებისა და მეცნიერების მინისტრმა ალექსანდრე ჯეჯელავამ განაცხადა. მის ამ ინიციატივას განათლების ექსპერტები არაერთგვაროვნად აფასებენ. ნაწილის თქმით, ბარიერის გაზრდა კიდევ უფრო გააძლიერებს რეპეტიტორების ინსტიტუტს, რაც სკოლის სტატუსს დააკნინებს, ნაწილის შეფასებით კი, ბარიერი აქამდეც უნდა აეწიათ, რათა მოსწავლეებში სწავლისადმი მეტი დაინტერესება და მოტივაცია გაჩენილიყო.