უძრავი ქონების ბაზარზე ზაფხულისთვის დამახასიათებელი უძრაობაა. განსაკუთრებით საშუალო და ძვირადღირებული ბინების გაყიდვა ჭირს. დეველოპერების ინფორმაციით, ივლისში სიტუაცია მცირედით შეიცვალა, მაგრამ უკვე აგვისტოდან მოთხოვნა კვლავ შემცირდა. როგორც დილერები განმარტავენ, ეს დროებითი მოვლენაა და აგვისტოს ბოლოდან, ახალი სასწავლის წლის დადგომასთან დაკავშირებით, უძრავი ქონების ბაზარი უნდა გააქტიურდეს.