აჭარის ტურიზმის დეპარტამენტის მიერ ჩატარებული კვლევის მიხედვით, ერთი ტურისტის საშუალო დღიური ხარჯი დაახლოებით 451 ლარს შეადგენს. თუ გავითვალისწინებთ იმას, რომ ივლისის ჩათვლით ქვეყანაში უკვე შემოვიდა 1 401 914 ტურისტი, (ვიზიტორების რაოდენობა კიდევ უფრო მეტია, გამოდის, რომ 7 თვის განმავლობაში მთლიანად ტურისტებმა ერთი დღის განმავლობაში ქვეყანას 632,2 მლნ ლარის შემოსავალი მოუტანეს, რაც საშუალოდ 275 მლნ დოლარია. თუ ამას მივუმატებთ ქვეყანაში დარჩენის საშუალო ხანგრძლივობას - 4 დღეს, აქ უკვე ტურისტული შემოსავალი ერთ მილიარდსაც კი აჭარბებს.