წლევანდელი ზაფხული თვალსა და ხელს შუა გაგვეპარა - ასე ფიქრობს რესპონდენტების დიდი ნაწილი. მათ სრულფასოვნად დასვენება სხვადასხვა მიზეზით (მათ შორის, სოციალური მდგომარეობისა და არამდგრადი ამინდების გამო) ვერ შეძლეს. ბევრმა მთელი ზაფხული სულაც სამსახურში გაატარა. უმეტეს შემთხვევაში, შვებულებაზე უარის თქმა სამუშაო ადგილის დაკარგვის შიშითა და დამსაქმებლის მხრიდან შრომითი პირობების დარღვევით იყო გამოწვეული.