სასკოლო სახელმძღვანელოების დიდი ნაწილი ძალიან რთული ენით არის დაწერილი. მაგალითად, საბუნებისმეტყველო საგნები მოსწავლეებისთვის იმდენად ძნელი აღსაქმელია, რომ წიგნში მოყვანილი მასალა მათთვის სრულიად გაუგებარია. სწორედ ამის გამო, მოსწავლეთა დიდი ნაწილი რეპეტიტორის გარეშე სასკოლო გამოცდებზე ვერ გადის. სწორედ სკოლის დონეზე ჩამორჩენაა იმის მთავარი მიზეზი, რომ აბიტურიენტები მეცნიერებადტევადი პროფესიების მიმართ გულგრილნი არიან. მიუხედავად იმისა, რომ სახელმწიფო რიგ მიმართულებებს სრულად აფინანსებს, აბიტურიენტებს საბუნებისმეტყველო დარგების მიმართ ინტერესი მაინც არ უჩნდებათ.