თანამედროვე ტექნოლოგიების მიმართ ადამიანთა ინტერესი მასშტაბურად მატულობს. საქართველოში ახალგაზრდების უმეტესობა კომპიუტერულ ტექნიკაზეა მიჯაჭვული. სავალალოა, რომ მოზარდები კომპიუტერთან სულ უფრო და უფრო მეტ დროს ატარებენ. მშობლების ძალისხმევის მიუხედავად, ბავშვების ინტერნეტისგან მოწყვეტა შეუძლებელია. შესაბამისად, ახალ თაობას რეალური სამყაროსთვის ძალიან მცირე დრო რჩება და ვირტუალურ სივრცეში გაცილებით დიდხანს უწევთ ყოფნა.