საქართველოში გარევაჭრობა კვლავ მოთხოვნადი გახდა. რამდენიმე წლის წინ ეს ბიზნესი შეზღუდული იყო და სამართალდამცველები მოვაჭრეებს ქუჩაში დადგომის უფლებას არ აძლევდნენ. ბოლო პერიოდში კი გარევაჭრობის გამოცოცხლებას მოსახლეობის ფინანსური მდგომარეობის გაუარესებამ უბიძგა. გარდა ფასისა, მომხმარებლისთვის მისაღებია, "შევაჭრება", რის უპირატესობასაც დიდი სავაჭრო ობიექტები არ იძლევიან. იმ მიზნით, რომ რამდენიმე ლარის შეღავათი მიიღოს მყიდველმა, ის მოუწესრიგებელ სავაჭრო გარემოში პროდუქციის შეძენას არ ერიდება. შეიძლება ცოტა ხნის წინ მას გულგრილად ჩაევლო ასეთი დახლებისთვის, მაგრამ დღეს ფინანსური მდგომარეობა ამის საშუალებას არ აძლევს.