19 დეკემბერს ბერლინში, საშობაო ბაზრობაზე ტერორისტული თავდასხმა განხორციელდა. ქალაქის დასავლეთ ნაწილში მდებარე ბრაიტშაიდპლაცზე გამართულ ღონისძიებაზე სატვირთო ავტომობილი შეიჭრა. კრიმინალისტების თქმით, სატვირთომ ბაზრობის ტერიტორიაზე 50 მეტრის მანძილი დაფარა, რის შედეგადაც, ოფიციალური ინფორმაციით, 12 ადამიანი დაიღუპა, ხოლო 49 დაშავდა. რამდენიმე თვითმხილველმა დაინახა, თუ როგორ დატოვა მძღოლმა სატვირთოს კაბინა და იქვე ახლოს მდებარე ბაღში მიიმალა.